የአማራ ባንክ የ2024/25 በጀት ዓመት፤ የሥራ አፈፃጸም ጉባዔ ከሐምሌ 24 ቀን 2017 ዓ.ም ጀምሮ በአዲስ አበባ ማካሄድ ጀምሯል፡፡ ጉባዔው ለሦስት ቀናት የሚካሄድ ሲሆን፤ የአማራ ባንክ የዲሬክተሮች ቦርድ ሰብሳቢና አባላት እንዲሁም ከፍተኛ የባንኩ አመራሮች፣ የዲስትሪክት እና የቅርንጫፍ ሥራ አስኪያጆች እየተሳተፉበት ይገኛል፡፡ በጉባዔው መክፈቻ፤ የአማራ ባንክ የዳይሬክሮች ቦርድ ሰብሳቢ አቶ ጋሻው ደበበ የበጀት ዓመቱ አፈፃፀምን ለመገምገም ለተገኙት ተሳታፊዎች የእንኳን ደህና መጣችሁ መልዕክት አስተላልፈዋል፡፡ የቦርድ ሰብሳቢው እንዳሉት ባንኩ በበጀት ዓመቱ መጀመሪያ ገጥመውት ለነበሩት ተግዳሮቶች አፋጣኝ መፍትሄ ለመስጠት ጥረት እንደተደረገና ዶ/ር ዮሐንስ አያሌውን የባንኩ ዋና ሥራ አስፈፃሚ በመሆን ከሾመበት ከመስከረም 2017 ዓ.ም ጀምሮ ለውጡን የመሩበት መንገድ የሚያስደንቅ እና በበጀት ዓመቱ ለተመዘገበው ውጤት መሠረት የሆነ ነበር፡፡  ቦርዱ በተገባደደው በጀት ዓመት የባንኩን ለውጥ እና የወደፊት ዕድገትን ለመደገፍ ያስችል ዘንድ በርካታ ቁልፍ የሚባሉ ውሳኔዎችን እንዳስተላለፈ በተለይም ለረጅም ጊዜ ሲንከባለሉ የመጡ ችግሮችን በማሻሻል ረገድ በዘርፉ የካበተ ልምድ ያላቸው ዋና ሥራ አስፈፃሚ መሾሙ ቦርዱ ለባንኩ ሁለንተናዊ ዕድገት የሰጠውን ከፍተኛ ትኩረት እንደሚያሳይ የባንኩ የቦርድ ሰብሳቢው ገልጸዋል፡፡ የአማራ ባንክ ዋና ሥራ አስፈፃሚ ዶ/ር ዮሐንስ አያሌው በበኩላቸው ባንኩ በአገልግሎት አሰጣጥ ሂደት ገጥሞት የነበረውን ተግዳሮት ለመፍታት የባንኩ የዲይሬክተሮች ቦርድ ማስተዋል የተሞላበት ብልህ እርምጃ በመውሰድ በአዲስ መልክ እንዲደራጅ አድርጎ ወደ ሥራ በማስገባቱ ባንኩ ወደ ስኬት በከፍተኛ እርምጃ መጓዝ እንዲጀምር አስችሎታል ብለዋል፡፡ ዶ/ር ዮሐንስ በሪፖርታቸው ይፋ እንዳደረጉት የባንኩ አጠቃላይ ተቀማጭ ገንዘብ ብር 31.5 ቢሊዮን ማድረስ መቻሉ እና የደንበኞቹን ቁጥር ከ2.4 ሚሊዮን በላይ እንዲሁም የቅርንጫፎቹን ቁጥር 316 ማድረስ ተችሏል፡፡ በተጨማሪም ባንኩ በቅርቡ ባስተዋወቀው ለወዳጄ የዲጂታል አነስተኛ ብድር አገልግሎቱ ከ1.6 ቢሊዮን ብር በላይ ከ97 ሺህ በላይ ለሆኑ ደንበኞች ብድር ያቀረበ ሲሆን፤ ከዚህ ውስጥም ሴቶች፣ የአካል ጉዳተኞችና በአነስተኛ ንግድ ሥራ ላይ የተሰማሩ ነጋዴዎች ዋነኞቹ ተጠቃሚዎች እንደነበሩ ዋና ሥራ አስፈጻሚው ገልጸዋል፡፡ በበጀት ዓመቱ አማራ ባንክ 70.8 ሚሊዮን የአሜሪካ ዶላር የውጪ ምንዛሬ ማግኘት እንደቻለ ገልጸዋል፡፡ የባንኩ አጠቃላይ ካፒታል 8.6 ቢሊዮን ብር ማድረስ እንደተቻለም አስታውቀዋል፡፡ በብድር አሰባሰብ ረገድ በዓመቱ 10.4 ቢሊዮን ብር መሰብሰብ የተቻለ ሲሆን፣ ይህም ከባለፈው ተመሳሳይ በጀት ዓመት ጋር ሲነፃፀር የ236.3 በመቶ ዕድገት አሳይቷል፡፡ አማራ ባንክ በተለያየ የሀገሪቱ ክፍል ለሚገኙና በተለያዩ የኢኮኖሚ ዘርፍ ለተሰማሩ ደንበኞቹ የሰጠው ጠቅላላ የብድር መጠን ከብር 26 ቢሊዮን በላይ ማድረሱንና የተበላሸ የብድር መጠኑ ብሔራዊ ባንክ ካስቀመጠው ከፍተኛ ጣራ በታች መሆኑን የባንኩ ዋና ሥራ አስፈጻሚ ዶ/ር ዮሐንስ ገልጸዋል፡፡ ይህ ውጤት የባንኩ የዲሬክተሮች ቦርድ፣ የማኔጅመንት አባላትና ሁሉም የባንኩ ሠራተኞች በጋራ ባደረጉት ጥረት የተመዘገበ መሆኑን እውቅና በመስጠት፣ ሁሉም በየደረጃው ላበረከተው አስተዋጽዖ አመስግነው፤ አዲሱን የበጀት ዓመት በአዲስ ስትራቴጂ፣ ደንበኛ ተኮርና ቀልጣፋ አገልግሎት ስኬታማ ሆነን እንደምናጠናቅቅ ተስፋ አደርጋለሁ በማለት፤ ደንበኞችም አማራ ባንክ በያዘው የለውጥ አቅጣጫ ፍላጎታቸውን ያማከለ አገልግሎት በመስጠት ላይ መሆኑን አውቀው ከአማራ ባንክ ጋር አብረው እንዲሰሩ ጥሪያቸውን አስተላልፈዋል፡፡

ባንኩ በተጠናቀቀው የ2024/25 በጀት ዓመት በበርካታ መለኪያዎች የተሻለ አፈፃጸም ማስመዝገቡን ሐምሌ 14 ቀን 2017 ዓ.ም በዋና መ/ቤት በነበረ መርሃ ግብር አስታቋል፡፡ የአማራ ባንክ ዋና ሥራ አስፈፃሚ ዶ/ር ዮሐንስ አያሌው በነበረው መርሃ ግብር እንደገለጹት በተጠናቀቀው በጀት ዓመት ባንኩ በተቀማጭ ገንዘብ አሰባሰብ፣ በውጭ ምንዛሬ ግኝት፣ በብድር እና የውጭ ምንዛሬ ስርጭት፣ በብድር አሰባሰብ እና በዲጅታል ባንኪንግ ትግበራ አመርቂ ውጤቶችን አስመዝግቧል፡፡ በዚህም መሠረት የባንኩ የተቀማጭ ገንዘብ መጠን ካለፈው ተመሳሳይ ዓመት ጋር ሲነፃፀ የ26 በመቶ ዕድገት አሳይቷል፤ በተጨማሪም በበጀት ዓመቱ አጠቃላይ የደንበኞቹን ቁጥር በ41 በመቶ በማሳደግ 2.4 ሚሊዮን ማድረስ መቻሉም ነው የተገለፀው፡፡ በብድር አሰባሰብ ረገድ በዓመቱ 10.4 ቢሊዮን ብር መሰብሰብ የተቻለ ሲሆን፣ ይህም ከባለፈው ተመሳሳይ በጀት ዓመት ጋር ሲነፃፀር የ236.3 በመቶ ዕድገት አሳይቷል፤ በሌላ በኩል በውጭ ምንዛሬ ግኝት ከባለፈው በጀት ዓመት ተመሳሳይ ወቅት አንፃር የ77.5 በመቶ ዕድገት ማስመዝገብ ችሏል፡፡ በተያያዘም አማራ ባንክ በበጀት ዓመቱ አጠቃላይ ያልተጣራ ትርፉን 1.1 ቢሊዮን ብር ማድረስ የቻለ ሲሆን፣ ይህም ከባለፈው በጀት ዓመት ተመሳሳይ ወቅት ጋር ሲነፃፀር የ70 በመቶ ዕድገት የታየበት እንደሆነም ነው የተገለፀው፡፡ የባንኩ አጠቃላይ ካፒታል ከባለፈው ዓመት ጋር ሲነፃጸር የ24.6 በመቶ ጭማሪ በማሳየት 8.6 ቢሊዮን ብር ማድረስ የተቻለበት ውጤታማ አመት ማሳለፉን ባንኩ አስታውቋል። አማራ ባንክ ምንም እንኳ ከተመሠረተ ገና 3 ዓመት ብቻ ያስቆጠረ ቢሆንም ያለው አጠቃላይ ሀብት በ2024/25 በጀት ዓመት የ22 በመቶ ዕድገት በማሳየት 43.1 ቢሊዮን ብር ማድረሱም ነው የታወቀው፡፡ ይህንን የባንኩን ጥረት የተረዳው የአማራ ባንክ የዳይሬክተሮች ቦርድ ከማኔጅመንቱ የቀረበለትን አዲስ የደመወዝ ስኬል እና ጥቅማጥቅም ጥያቄ በዝርዝር ተመልክቶ ጥያቄው ተገቢና አስፈላጊ መሆኑን በማመን በሙሉ ድምጽ መፍቀዱም በዕለቱ በነበረው መርሃ ግብር ይፋ ተደርጓል፡፡ ባንኩ በቀጣይ የበጀት ዓመት በዋናነት በሃብት ማሰባሰብ፣ በውጭ ምንዛሬ ግኝት፣ የባንኩን የወደፊት ተወዳዳሪነት የሚያስቀጥሉ የዲጂታል ማስፋፋትና የደንበኞቻችንን ቁጥር በከፍተኛ ደረጃ ለማሳደግ ልዩ ትኩረት ሰጥቶ እንደሚሰራም አስታውቋል። አማራ ባንክ ከባንክ ባሻገር! 

(ሐምሌ 12 ቀን 2017 ዓ.ም) አማራ ባንክ ዓባይ ባንክ ሥራ የጀመረበትን የ15ኛ ዓመት ክብረ በዓል አስመልክቶ የመልካም ምኞት መልዕክቱን በዓባይ ባንክ ዋና መሥሪያ ቤት በመገኘት የባንኩ ዋና ሥራ አስፈፃሚና ሌሎች ምክትል ሥራ አስፈፃሚዎች በተገኙበት ለባንኩ ያለውን መልካም ምኞት አስተላልፏል፡፡ ከአማራ ባንክ ዋና ሥራ አስፈፃሚ ዶ/ር ዮሐንስ አያሌው የተላከውን የእንኳን አደረሳችሁ መልዕክት ያደረሱት የአማራ ባንክ ምክትል ሥራ አስፈፃሚ አባላት እና የተለያዩ መምሪያ ኃላፊዎች ናቸው፡፡ አማራ ባንክን በመወከል መልዕክትያስተላለፉት የአማራ ባንክ የህዝብ ግንኙነት እና ኮምዩኒኬሽን መምሪያ ዳይሬክተር አቶ የአብስራ ከበደ ሲሆኑ፣ ዓባይ ባንክ ባለፉት 15 ዓመታት በኢትዮጵያ የባንክ ኢንዱስትሪ ዕድገት የራሱን አስተዋጽኦ እያበረከተ እዚህ ደረጃ የደረሰ ባንክ መሆኑን ገልጸዋል፡፡ የዓባይ ባንክ ዋና ሥራ አስፈፃሚ አቶ የኋላ ገሠሠ አማራ ባንክ ላቀረበው የመልካም ምኞት እና የእንኳን አደረሳችሁ መልዕክት ምስጋናቸውን አቅርበው፣ ዓባይ ባንክ ከባንኩ ምስረታ ጀምሮ አብሮ እየሠራ መቆየቱን ጠቅሰው በቀጣይም የሁለቱ ባንኮች ግንኙነት በሥራ ተጠናክሮ እንደሚቀጥል ገልጸዋል፡፡ አማራ ባንክከባንክ ባሻገር!  

የአማራ ባንክ የዋና ስራ አስፈፃሚ ተወካይ አቶ እሸቴ የማታ የዲጂታል ባንክ ሽግግርን ለማፋጠን ከሌሎች ተቋማት ጋር በትብብር እንደሚሰሩ ተናግረዋል።አዲስ አበባ፣ ኢትዮጵያ፣ ግንቦት 7 ቀን 2017 ዓ.ም አማራ ባንክ፣ በኢትዮጵያ ውስጥ በቅርብ ዓመታት ዘርፉን የተቀላቀለ የፋይናንስ ተቋም እንደመሆኑ፣ በኢትዮጵያ ብሔራዊ ባንክ አስተናጋጅነት እየተካሄደ በሚገኘው እና ከ1200 በላይ የፋይናንስ ሴክተር ባለድርሻ አካላትን፣ የመንግስት ከፍተኛ የስራ ኃላፊዎችን፣ ተቆጣጣሪዎችን እና የሴት የፋይናንስ መሪዎችን ባሰባሰበው የኢትዮጵያ የፋይናንስ ፎረም ላይ ተሳታፊ በመሆኑ ኩራት ይሰማዋል። በዚሁ ፎረም ላይ አማራ ባንክ የፋይናንስ ተደራሽነትን ለማሳደግ፣ የጥቃቅንና አነስተኛ ንግዶችን ለመደገፍ እና በሀገራችን ያሉ በርካታ የማህበረሰብ ክፍሎችን ለማብቃት ታስበው የተዘጋጁ አገልግሎቶችን በመስጠት ላይ መሆኑን የሚያሳዩ ስራዎችን ለእይታ አቅርቧል።የአማራ ባንክ የዋና ሥራ አስፈጻሚ ተወካይ የሆኑት አቶ እሸቴ የማታ እንዳሉት፥ “በኢትዮጵያ የፋይናንስ ፎረም ላይ በመሳተፋችንና የፋይናንስ ዘርፉን ምህዳር የወደፊት ዕጣ በሚወስኑ ወሳኝ ዉይይቶች ላይ አስተዋፅዖ በማድረጋችን እጅግ ደስተኞች ነን። አማራ ባንክ ቴክኖሎጂን በመጠቀም የፋይናንስ አገልግሎቶችን ተደራሽነት ለማስፋት፣ ስራ ፈጣሪዎችን ለማብቃት እና በመላ ኢትዮጵያ የኢኮኖሚ እድገትን ለማፋጠን በቁርጠኝነት እየሰራ ያለ ባንክ ነው። የፋይናንስ ተደራሽነትንና ዘላቂ ልማትን ለማሳደግ ትልቅ የፈጠራና ትብብር እድል እንዳለ እናምናለን፤ ይህ ደግሞ በኢትዮጵያ የፋይናንስ ሥርዓት ውስጥ እንደ ባለድርሻ አካል ያለብን ኃላፊነት እንደሆነ እናምናለን።”በተጨማሪም አማራ ባንክ የሚሰጣቸውን የባንክ አገልግሎቶች በፋይናንስ ጉባኤ ላይ ለተገኙ ተሳታፊዎች ከማቅረብ ባሻገር፣ አሁን ያሉ አገልግሎቶችን ይበልጥ ሊያሳድጉና ደንበኞቹን በተሻለ ሁኔታ ሊያገለግሉ የሚችሉ በፈጠራ የታገዙ አገልግሎቶችን ለመፈለግ ከሌሎች የፋይናንስ ተቋማት ጋር ለመስራት በንቃት እንደሚሳተፍ ተገልጿል።የዘንድሮው የኢትዮጵያ ፋይናንስ ፎረም በኢትዮጵያ ብሔራዊ ባንክ አዘጋጅነት ግንቦት 7 እና 8 ቀን 2017 ዓ.ም በሳይንስ ሙዚየም በመካሄድ ላይ ይገኛል።